«Канело» Альварес Қазақстанға келуі мүмкін

Жеңіліп көрмеген қазақстандық кәсіпқой боксшы Бек Нұрмағанбет (17-0, 15 KO) мексикалық Сауль «Канело» Альварестің (64-3-2, 39 KO) Қазақстанға келетінін айтты, деп хабарлайды Sport12.kz.

Боксшы берген сұхбатында «Канелоға» Қазақстан туралы айтып жүргенін жеткізді.

«Иә, мен оған Қазақстан туралы үнемі айтып жүремін. Оның өзі де сұраған. Қазақстанға келетінін айтты», — деді Нұрмағанбет күлімсіреп.

Айта кетейік, Эр-Риядта (Сауд Арабиясы) өткен бокс кешінде Бек Нұрмағанбет мексикалық Маркос Васкес Родригесті (21-4-1, 10 KO) бірінші раундта нокаутқа түсірді.

«Канело» Альварестің титулдық жекпе-жегі өткен кештің андеркардында өнер көрсеткен 28 жастағы қазақстандық қарсыласын раунд аяқталуына бір минут қалғанда нокдаунға жіберді. Ал алғашқы үш минуттың соңғы секундтарында сол қолымен жойқын соққы жасап, жекпе-жекті мерзімінен бұрын аяқтады.

Біздің серіктес: Sport12kz