«Канело» Сауд Арабиясымен келісімшартын ұзартуды жоспарлап отыр

Мексикалық боксшы Сауль «Канело» Альварес Сауд Арабиясының функционері әрі промоутері Турки Әл аш-Шейхпен келісімшартын ұзартуды жоспарлап отыр, деп хабарлайды Sport12.kz.

31 қазанда Альварес Эр-Риядта өткен бокс кешінің басты жекпе-жегінде франциялық Кристиан Мбиллиді жеңіп, екінші орта салмақтағы WBC тұжырымы бойынша әлем чемпионы атанды.

Мексикалық боксшының менеджері әрі жаттықтырушысы Эдди Рейносоның айтуынша, «Канело» Турки Әл аш-Шейхпен ынтымақтастығын жалғастыруға ниетті.

«Наурыздағы жекпе-жек келісімшарт бойынша соңғы кездесу болады. Алайда біз оны ұзартуды жоспарлап отырмыз. Саульдің алдағы уақытқа арналған өте жақсы жоспарлары бар. Ол Туркимен сөйлесіп те үлгерді. Екеуінің боксшының мансабын жалғастыруға қатысты ауқымды жоспарлары бар», – деді Рейносо La Afición басылымына берген сұхбатында.

Айта кетейік, Кристиан Мбиллиге қарсы жекпе-жек Альварес үшін былтырғы қазаннан бергі алғашқы кездесу болды. Ол сол кезде Теренс Кроуфордтан жеңіліп, екінші орта салмақтағы барлық негізгі чемпиондық белбеуінен айырылған еді.

Біздің серіктес: Sport12kz