Сауль «Канело» Альварес мансабын аяқтай ма? — Бапкері жауап берді

Мексикалық боксшы Сауль «Канело» Альварес наурыз айындағы жекпе-жектен кейін де кәсіпқой мансабын жалғастыруды жоспарлап отыр. Бұл туралы оның бапкері әрі менеджері Эдди Рейносо мәлімдеді.

ESPN мәліметінше, наурыздағы кездесу боксшының қазіргі келісімшарты бойынша соңғы жекпе-жегі болмақ. Алайда одан кейін тараптар жаңа келісімшарт жасасып, ынтымақтастықты жалғастыруды көздеп отыр.

«Наурыздағы жекпе-жек қазіргі келісімшарт аясындағы соңғы кездесу болады. Бірақ біз келісімшартты ұзартуды жоспарлап отырмыз. Саульдің алдағы мансабына қатысты жақсы жоспарларымыз бар. Ол Турки Әл аш-Шейхпен де сөйлесті», – деді Рейносо.

Айта кетейік, «Канело» соңғы жекпе-жегін қазан айында Эр-Риядта өткізіп, франциялық Кристиан Мбиллиді төрешілердің бірауыздан шығарған шешімімен жеңген еді. Осы жеңістен кейін ол WBC нұсқасы бойынша екінші орта салмақтағы чемпиондық белбеуді иеленді.

Біздің серіктес: Sport12kz