2 күн бұрын
Хесус Рамос Мейірім Нұрсұлтановтың орнына жаңа қарсылас тапты
Америкалық боксшы Хесус Рамос кіші (24-1, 19 KO) орта салмақтағы WBC нұсқасы бойынша уақытша әлем чемпионы атағын непобежденный отандасы Фрэнсис Хоганмен (22-0, 17 KO) жекпе-жекте қорғауды жоспарлап отыр, деп хабарлайды Sport12.kz.
Инсайдер Дэн Рафаэльдің мәліметінше, кездесу 19 желтоқсанда АҚШ-тың Сан-Франциско қаласында өтеді. Бұл бокс кешінің басты жекпе-жегінде Девин Хэйни мен Лиам Паро жартылай орта салмақтағы WBO және IBF чемпиондық белбеулерін біріктіру үшін жұдырықтасады.
Еске салайық, 19 қыркүйекте Хесус Рамос уақытша WBC чемпионы атағын қазақстандық Мейірім Нұрсұлтановқа (20-0, 11 KO) қарсы жекпе-жекте қорғауы керек еді. Алайда кездесуге аз уақыт қалғанда америкалық боксшының денсаулығы сыр беріп, ол тағамнан улануы мүмкін деген күдікпен ауруханаға жеткізілді. Соның салдарынан жекпе-жек өтпей қалды.
Осыдан кейін Дүниежүзілік бокс кеңесі (WBC) орта салмақтағы міндетті қорғаныс тәртібін өзгертті. Нұрсұлтанов доминикандық Карлос Адамеске (25-1-1, 18 KO) тиесілі негізгі чемпиондық белбеуге міндетті үміткер мәртебесін алды.
14 қарашада Адамес Эр-Риядта өтетін Zuffa Boxing турнирінде британиялық Джером Уорбертонмен (18-2-2, 2 KO) кездеседі. Бұл жекпе-жекте чемпиондық белбеу сарапқа салынбайды. Егер доминикандық боксшы жеңіске жетсе, келесі кездесуін Нұрсұлтановқа қарсы өткізуге міндетті болады.
Айта кетейік, WBC бекіткен тәртіпке сәйкес, Адамес пен Нұрсұлтанов арасындағы ықтимал жекпе-жектің жеңімпазы кейін уақытша чемпион Хесус Рамоспен жұдырықтасуы тиіс.
Біздің серіктес: Sport12kz