Криштиану Роналду «Әл-Насрмен» келісімшартын 2029 жылға дейін ұзартуы мүмкін

Португалиялық шабуылшы Криштиану Роналду мансабын 2029 жылға дейін жалғастыруы мүмкін. Сауд Арабиясының «Әл-Наср» клубы осы немесе келесі маусымда Азия чемпиондар лигасын жеңіп алған жағдайда, футболшының келісімшартын ұзарту мүмкіндігі қарастырылып отыр.

Al-Riyadhiyah басылымының мәліметінше, Роналдудың басты мақсаты – жоғары деңгейде өнер көрсетуді жалғастырып, келесі клубтар арасындағы әлем чемпионатына қатысу.

Сондай-ақ португалиялық футболшы келісімшартын ұзартуға ниетті. Ол командасының бәсекеге қабілетті болғанын және «Реал Мадрид» пен «Манчестер Юнайтед» сапында өнер көрсеткен кезеңдеріндегі деңгейге сай жағдай жасалғанын қалайды.

Осылайша, 40 жастағы Криштиану Роналду кәсіби мансабын тағы бірнеше жыл жалғастыруды көздеп отыр.

Біздің серіктес: Sport12kz