Азия чемпионатында қазақстандық тағы үш боксшы финалға шықты

Таиландтың Чиангмай қаласында өтіп жатан Азия чемпионатында қазақстандық тағы үш боксшы финалға шықты. 

Ел құрамасынан Аида Әбікеева (63 келі) таиландтық Тхананья Сомнуекті 4:1 есебімен жеңді. Ол енді ақтық сында 10 желтоқсанда вьетнамдық Ха ти Линмен кездеседі.

Ал Наталья Богданова (70 келі) жартылай финалда украиналық Анастасия Черноколенконы 5:0 есебімен жеңіп, финалда таиландтық Байсон Маниконмен қолғап түйістіреді.

Тағы бір боксшымыз Гүлсая Ержан (81 келі) жартылай финалда 4:1 есебімен өзбекстандық Сохиба Рузметованы осал тұсын тапты. Ақтық сында ол украиналық Карина Айрапетянмен күш байқасады.

Ал Милана Сафронова (66 келі) жартылай финалда өзбекстандық Навба Хамидоваға 0:4, Диана Мағауияева (75 келі) қытайлық Лина Вантқа есе жіберіп, қола жүлдегер атанды.

Сондай-ақ ел құрамасынан Виктория Графеева (60 келі) финалға шықты. Бүгін ол Таиланд өкілін Порнтип Буапаны мерзімінен бұрын жеңді. Кездесу екінші раундтың басында тоқтатылды.

Викторияның қарсыласы казір Қытай-Украина жекпе жегінде анықталады.

Сондай-ақ бүгін жартылай финалда Ұлжан Сәрсенбек (57 келі) Таиланд боксшысына 0:5 есебімен жол берді.

Ал бүгін Жазира Орақбаева (52 келі) мен Әйгерім Сәттібаева (48 келі) жартылай финалда сүрінді.

Біздің серіктес: 200 000 фрибетті ұтысқа саламыз – арнаға жазыл және батырманы бас