2 сағат бұрын
Дияр Нұрғожай UFC турнирінде америкалық файтерді техникалық нокаутпен жеңді
Қазақстандық ММА шебері Дияр Нұрғожай Қатарда өткен UFC Fight Night турнирінде кезекті жеңісіне қол жеткізді.
Жартылай ауыр салмақта өнер көрсететін отандасымыз америкалық Алик Лоренцпен кездесті. Жекпе-жектің екінші раундында Дияр қарсыласына тізесімен соққы жасап, артынша соққылар легін жалғастырды. Нәтижесінде төреші бәсекені тоқтатып, қазақстандық спортшының техникалық нокаутпен жеңгенін тіркеді.
Бұл – Дияр Нұрғожайдың UFC-дегі бесінші жекпе-жегі. Осы жеңістен кейін оның ұйымдағы көрсеткіші үш жеңіс пен екі жеңіліске жетті.
Айта кетейік, Нұрғожай бұған дейін UFC-де америкалық Рафаэль Тобиас пен бразилиялық Бруно Лопесті жеңген еді.




Біздің серіктес: Sport12kz