6 сағат бұрын
Басына доп тиген жас футболшы көз жұмды
Фото: m.rediff.com
«Эсейса» жастар командасының футболшысы Абель Нуньес матч кезінде басына доп тигеннен кейін ауруханада қайтыс болды, деп хабарлайды Sport12.kz.
Бұл туралы аргентиналық клубтың баспасөз қызметі әлеуметтік желіде хабарлады.
Оқиға «Эсейса» мен «Депортиво Муньес» арасындағы жастар турнирінің бесінші дивизионындағы кездесу барысында болды.
18 жастағы Нуньес алаңда басына доп соққысын алды. Ойыншыға алғашқы көмек көрсетіліп, содан кейін ауруханаға жеткізілді. Жасалған отаға қарамастан, футболшыны құтқару мүмкін болмады.
«Эсейса» клубы Абель Нуньестің туыстарына, жақындарына, достарына және командаластарына терең көңіл айтты. Ресми хабарламада ойыншының команданың маңызды бөлігі болғаны және клуб жадында мәңгі қалатыны атап өтілді. Басшылық отбасына жан-жақты қолдау көрсетуге уәде берді.
Еске салсақ, Уго Льорис Франция футболындағы ерекше рекордты тіркеді.
Біздің серіктес: Sport12kz