8 сағат бұрын
Уго Льорис Франция футболындағы ерекше рекордты тіркеді
Фото: getfootballnewsfrance.com
АҚШ-тың «Лос-Анджелес» командасының қақпашысы Уго Льорис кәсіби деңгейде 1000 кездесуін өткізіп, Франция футболында мұндай көрсеткішті бағындырған алғашқы ойыншы атанды, деп хабарлайды Sport12.kz.
2024 жылы ол «Лос-Анджелес» командасы сапына қосылды.
MLS чемпионатында сынға түсіп жатқан «Лос-Анджелес Гэлакси» клубына қарсы кездесуде 39 жастағы қақпашы аталған нәтижені бағындырды. Бұл кездесуде қос команда 2:2 есебіне қанағат білдірді.
Қазірге дейін Уго Льорис клубтық деңгейде 856 кездесуде жасыл алаңға шықса, Франция ұлттық құрамасының сапында 145 ойынға қатысты. АҚШ-қа келгенше ол 2005-2023 жылдар аралығында Францияның «Ницца», «Лион» және Англияның «Тоттенхэм Хотспурс» командалары сапында ойын көрсетті.
2009, 2010, 2012 жылдары Францияның бірінші лигасында үздік қақпашы атағына лайық деп танылды.
2008 жылы Франция ұлттық құрамасы сапында алғашқы ойынын өткізген қақпашы 2018 жылы әлем чемпионы атағын жеңіп алды. Сондай-ақ 2021 жылы Ұлттар лигасында жеңімпаз тұғырынан көрінді.
1986 жылы 26 желтоқсанда дүниеге келген Уго Льорис Франция құрамасы сапында ең көп ойын өткізуімен ерекшеленеді. Ол ұлттық құрама сапында 111 кездесуде капитандық міндет атқарды.
Еске салсақ, футболдан Англия құрамасы сырт алаңда қатарынан он мәрте жеңіске жетіп, өз тарихында алғаш рет рекордтық көрсеткішке қол жеткізді.
Біздің серіктес: Sport12kz