Дастан Сәтпаев: Ойын нәтижесіне көңілім толмайды

Қазақстандық жас футболшы алматылық «Қайраттың» елордалық «Астанамен» өткізген ойын нәтижесіне көңілі толмайтынын жеткізді.

Қазақстан Премьер-лигасы бірінші турындағы «Астана» мен «Қайрат» кездесуінде ол 69-минутта гол соқты. Нәтижесінде ол алматылық клубты жеңілістен сақтап қалды. Командалар 1:1 есебіне қанағат білдіріп тарасты.

- Гол соға алғаныма өте қуаныштымын, бірақ нәтижеге көңіліміз толмайды, - деді ол.

Бұл - 17 жастағы талантты футболшының Премьер-лигадағы алғашқы голы. Алдағы жылдан бастап Англияның «Челси» командасына ауысатын жас жұлдыз осылайша қазақстандық жанкүйерлердің көзайымына айналып үлгерді.

Біздің серіктес: Olimpbet қосымшасын пайдалан