«Қайратқа» қарсы матч алдында «Панатинаикос» тактикалық жүйесін өзгертуі мүмкін

Грекиялық «Панатинаикос» клубының бас бапкері Якоб Нееструп Конференциялар лигасы аясында алматылық «Қайратқа» қарсы матчта ойын схемасын өзгерту мүмкіндігін қарастырып жатыр, деп хабарлайды Sport12.kz Gazzetta басылымына сілтеме жасап.

Басылым тілшісі Сотирис Миконистің мәліметінше, дат маманы 4-2-3-1 схемасын сақтап, Висенте Таборданы шабуылдаушы жартылай қорғаушы позициясында ойнатуы мүмкін. Сонымен қатар үш орталық жартылай қорғаушымен ойнау немесе кездесуді бірден 4-4-2 схемасымен бастау нұсқалары да қарастырылып жатыр.

Мұндай шешімге жарақат алған Азеддин Унаидің орнын толтыру қажеттілігі де әсер етіп отыр. Sport FM журналисі Никос Атанасиу марокколық футболшының орнына Таборданы шығарудың орнына, алаңға екі шабуылшы жіберілуі мүмкін екенін де жоққа шығармады.

Материал жарияланған сәтте «Панатинаикостың» негізгі құрамы мен ойын схемасына қатысты түпкілікті шешім қабылданбаған еді.

Айта кетейік, «Қайрат» пен «Панатинаикос» арасындағы Конференциялар лигасының жалпы кезеңіндегі екінші тур матчы бүгін, 22 қазанда Алматыда өтеді.

Біздің серіктес: Sport12kz