Дастан Сәтпаевтың командасы ірі есеппен жеңілгеннен кейін бас бапкерінен айырылды

Қазақстандық шабуылшы Дастан Сәтпаев өнер көрсететін «Бернли» клубы бас бапкер Ники Хайенді қызметінен босатты. Клуб басшылығы мұндай шешімге Чемпионшиптегі сәтсіз нәтижелерге байланысты келген.

Бапкердің отставкаға кетуі «Линкольн Ситиге» қарсы матчтан кейін белгілі болды. Бұл кездесуде «Бернли» сырт алаңда 1:4 есебімен жеңілді. Дастан Сәтпаев негізгі құрамда алаңға шығып, 59-минутта алмастырылды. Қазақстандық шабуылшы нәтижелі әрекетімен көзге түсе алмады.

Чемпионшиптің 12 турында «Бернли» бір рет ғана жеңіске жетіп, сегіз ұпай жинады. Соның салдарынан команда турнир кестесінде 22-орынға алып, төменгі дивизионға түсіп қалу қаупіне тап болды.

Клуб келесі матчын 31 қазанда өз алаңында «Портсмутқа» қарсы өткізеді.

Біздің серіктес: Sport12kz