Роналду Forbes рейтингінде көш бастады

«Әл-Наср» клубының шабуылшысы Криштиану Роналду Forbes нұсқасы бойынша әлемдегі ең көп табыс табатын футболшылар рейтингінде бірінші орынға шықты. Португалиялық ойыншының 2026/27 жылғы маусымдағы табысы 300 миллион долларға бағаланған.

Forbes мәліметінше, Роналду клубтағы жалақысы мен бонустарынан 250 миллион доллар, ал жарнамалық келісімдер мен өзге де коммерциялық қызметтен 50 миллион доллар табыс табады.

Екінші орынға 145 миллион доллар табысымен «Интер Майами» шабуылшысы Лионель Месси жайғасқан. Ал үздік үштікті 100 миллион доллар көрсеткішімен мадридтік «Реалдың» форварды Килиан Мбаппе түйіндеді.

Тізімнің төртінші сатысында 85 миллион доллар табысымен «Манчестер Сити» шабуылшысы Эрлинг Холанд тұр. Одан кейін «Реал» ойыншысы Винисиус Жуниор (76 млн доллар) мен «Барселонаның» жас жұлдызы Ламин Ямаль (55 млн доллар) орналасқан.

Үздік ондыққа сондай-ақ Садио Мане (54 млн доллар), Джуд Беллингем (45 млн доллар), Харри Кейн (42 млн доллар) және Мохамед Салах (40 млн доллар) енді.

Рейтингті жасау кезінде футболшылардың клубтағы жалақысы мен бонустары, жарнамалық келісімдері және өзге де коммерциялық табыс көздері есепке алынған. Көрсетілген сомалар салықтар мен агенттердің төлемдері шегерілмей есептеледі.

Біздің серіктес: Sport12kz