11.11.2026
«Тобыл» Қазақстан құрамасының ойыншысымен келісімшартқа қол қойды
Қазақстан құрамасының жартылай қорғаушысы Жаслан Жұмашев Қостанайдың «Тобыл» клубында өнер көрсетуін жалғастырады. Клуб 25 жастағы футболшымен келісімшартты 2027 жылдың соңына дейін ұзартқанын ресми түрде жариялады, деп хабарлайды Sport12.kz.
Жұмашев – Қостанай футболының түлегі. Ол «Тобылдың» негізгі командасында 2020 жылдан бері өнер көрсетіп келеді.
Өткен маусымда жартылай қорғаушы барлық турнирде 24 матчқа қатысып, тоғыз гол соқты және екі нәтижелі пас берді.
2026 жылдың наурыз айында Жаслан Жұмашев Қазақстан ұлттық құрамасында дебют жасады. Ол FIFA Series халықаралық турнирі аясында Намибияға қарсы өткен жолдастық кездесуге (2:0) қатысты.
Айта кетейік, өткен маусымда «Тобыл» Қазақстан Премьер-лигасында 30 матчтан кейін 41 ұпай жинап, жетінші орынға тұрақтады.
Біздің серіктес: Sport12kz