Ұлттар лигасында бүгін сегіз матч өтеді

Бүгін, 12 қарашада футболдан UEFA Ұлттар лигасының бесінші туры басталады. Ойын күнтізбесіне сәйкес, А және С лигаларында сегіз ойын өтеді.

А лигасының бірінші тобында Түркия Бельгияны қабылдаса, Италия Франциямен кездеседі. Үшінші топта Англия Хорватиямен, Чехия Испаниямен шеберлік байқасады.

С лигасының бірінші тобында Албания Финляндиямен, Сан-Марино Беларусьпен ойнайды. Ал екінші топта Армения Кипрді қабылдап, Черногория Латвиямен ойнайды.

Бүгінгі ойындар Астана уақытымен:

• 22:00 – Түркия – Бельгия;
• 22:00 – Армения – Кипр;
• 00:45 – Италия – Франция;
• 00:45 – Англия – Хорватия;
• 00:45 – Чехия – Испания;
• 00:45 – Албания – Финляндия;
• 00:45 – Сан-Марино – Беларусь;
• 00:45 – Черногория – Латвия.

Айта кетейік, Қазақстан құрамасы бесінші турдағы кездесуін 13 қарашада өткізеді. Отандастарымыз сырт алаңда Молдовамен кездеседі. Матч Астана уақытымен 22:00-де басталады.

Біздің серіктес: Sport12kz