Андрей Демченко «Жеңістің» бас бапкері қызметіне қайта оралды

Астаналық «Жеңіс» клубы украиналық маман Андрей Демченконың бас бапкер болып тағайындалғанын ресми түрде жариялады. 50 жастағы жаттықтырушы елордалық команданы 2027 жылғы маусымда басқарады.

Бапкерлер штабында Антон Чичулин мен Олег Воскобойников та жұмысын жалғастырады.

Демченко 2025 жылдың маусымында «Жеңісті» жаттықтырған. Оның жетекшілігімен команда 17 матч өткізіп, сегіз жеңіске жетті, алты рет тең түсіп, үш мәрте жеңілді. Сол маусымда елордалық клуб Қазақстан Премьер-лигасын алтыншы орынмен аяқтады.

Кейін украиналық маман Әзербайжанның «Араз-Нахчыван» және Грузияның «Иберия 1999» клубтарын жаттықтырды. Соңғысымен бірге Конференция лигасының жалпы кезеңіне шықты.

Айта кетейік, «Жеңіс» 2026 жылғы Қазақстан чемпионатында 36 ұпаймен сегізінші орын алды. Сонымен қатар ел Кубогының жартылай финалына дейін жетті.

Біздің серіктес: Sport12kz