13 сағат бұрын
Испания Англиямен қарымта матч өткізеді
15 қарашадан 16 қарашаға қараған түні Мадридте Ұлттар лигасының алтыншы туры аясында Испания мен Англия құрамалары кездеседі. Ойынның тікелей трансляциясы Қазақстан уақытымен сағат 00:45-те басталады, деп хабарлайды Sport12.kz.
А дивизионының үшінші тобындағы соңғы тур алдындағы жағдай мынадай: Испания – 15 ұпай, Англия – 12 ұпай, Хорватия – 3 ұпай, Чехия – 0 ұпай.
Ұлттар лигасындағы соңғы матчында Испания сырт алаңда Чехияны 2:0 есебімен жеңді. Осылайша, испандар қатарынан 12-ші рет жеңіске жетіп, жеңіліссіз сериясын 23 матчқа дейін ұзартты.
Ал Англия құрамасы турнирдегі алдыңғы кездесуінде өз алаңында Хорватияны 2:0 есебімен ұтып, жеңіс сериясын төрт матчқа жеткізді.
Испания мен Англия осы маусымда алғаш рет 26 қыркүйекте Лондонда кездескен. Сол ойында испандар сырт алаңда 3:2 есебімен жеңіске жетті.
Біздің серіктес: Sport12kz