Шайбалы хоккейден Қазақстан құрамасы Олимпиадаға бармайтын болды

Шайбалы хоккейден Қазақстан құрамасы финалдық олимпиадалық іріктеу кезеңінде Словакиямен шешуші ойын өткізді.

Ойын барысында словакиялық құрамадан Роберт Лантоши 4, Павол Регенда 12, Адам Лишка 30-минутта мергендік танытса, оған қазақстандық Никита Михайлис 35-минутта бір шайбамен жауап берді.

Осылайша қазақстандық хоккейшілер қарсыласына 1:3 есебімен жеңіліп, Олимпиада жолдамасынан тыс қалды. 

Алғашқы екі турда аталған құрамалар ұпайдан шашау шығарған жоқ. Қазақстандық хоккейшілер Венгрияны 5:2, Австрияны 2:1 есебімен тізе бүктірді. 

Дүбірлі дода 6-22 ақпан аралығында .Италияның Милан және Кортина-д’Ампеццо қалаларында болады. 

Біздің серіктес: Sport12kz