Стивен Джеррард Дастан Сәтбаевтың клубын жаттықтыруы мүмкін

«Ливерпульдің» бұрынғы жартылай қорғаушысы Стивен Джеррард Дастан Сәтбаев ойнайтын «Бернли» клубының бас бапкері қызметіне басты үміткер ретінде қарастырылып жатыр, деп хабарлайды Sport12.kz.

Ағылшын маманы қызметінен босатылған Ники Хайеннің орнын басуы мүмкін. Бельгиялық бапкер «Линкольн Ситиден» 1:4 есебімен ойсырай жеңілгеннен кейін қызметінен кетті.

Хайеннің жетекшілігімен Қазақстан құрамасының шабуылшысы өнер көрсететін команда 12 матчта бір-ақ рет жеңіске жетіп, Чемпионшип турнирлік кестесінде 22-орынға түсіп қалған.

Стивен Джеррард 2025 жылдың басынан бері жұмыссыз жүр. «Ливерпуль» аңызы өткен жазда да «Бернлиді» жаттықтыруы мүмкін болған, алайда ол кезде тағайындау жүзеге аспады.

Бос қалған қызметке үміткерлер қатарында Дэйв Чаллинор, Роб Эдвардс және команданың бұрынғы бапкері Шон Дайч та бар. Сонымен қатар балама нұсқалар ретінде Крейг Беллами мен Карлос Корберан қарастырылып жатыр.

Біздің серіктес: Sport12kz