Неймар Бразилия ұлттық құрамасына шақырту алғанына жауап берді

«Сантос» шабуылшысы Неймар 1,5 жылдан кейін Бразилия ұлттық құрамасына шақырту алғанын үнсіз қалдырмады.

«Қайта оралғаныма қуаныштымын!» – деп жазды Неймар әлеуметтік желіде.

Оның Бразилия құрамасындағы соңғы ойыны 2023 жылғы 18 қазанда өткен. Сол кезде бес дүркін әлем чемпиондары 2026 жылғы ӘЧ іріктеуінде Уругвайға 0:2 есебімен есе жіберген болатын. Неймар бұл матчта бір тайм ғана ойнады.

Наурыз айында Бразилия құрамасы әлем чемпионатының іріктеу кезеңінде Колумбия және Аргентина құрамаларымен кездеседі.

Біздің серіктес: Olimpbet қосымшасын пайдалан