«Барыс» төрт шайба соқса да есе жіберді

Астаналық «Барыс» Құрлықтық хоккей лигасының кезекті турында Владивостоктың «Адмирал» клубына қарсы кездесуде овертаймда есе жіберді.

Алғашқы кезеңде командалар есеп аша алмады. Екінші кезеңнің 24-минутында Ибрагимов «Адмиралды» алға шығарды. Алайда үш минуттан кейін Джастин Бэйли есепті теңестірді. Ал 37-минутта Тайс Томпсон мергендік танытып, «Барысты» алға шығарды.

Үшінші кезеңде ойын қыза түсті. Алдымен Либор Шулак есепті теңестірді, артынша Завгородний владивостоктық клубты қайта алға шығарды. Чейз Приски есепті 3:3-ке жеткізгенімен, Камара «Адмиралдың» төртінші шайбасын соқты. Матчтың 55-минутында Семен Симонов тағы да таразы басын теңестіріп, кездесудің овертаймға ұласты.

Қосымша уақытта «Адмирал» шешуші шайбаны соғып, жеңіске жетті. Осылайша, «Барыс» төрт гол соққанына қарамастан, матчта ұпайсыз қалды.

Біздің серіктес: Sport12kz