4 күн бұрын
«Барыс» Хабаровскіде «Амурға» қарсы ойнайды
8 қараша, жексенбі күні Хабаровск қаласында Құрлықтық хоккей лигасының тұрақты чемпионаты аясында «Амур» мен астаналық «Барыс» кездеседі, деп хабарлайды Sport12.kz.
«Амур» – «Барыс» матчының тікелей трансляциясы Астана уақытымен сағат 12:00-де басталады.
Құрлықтық хоккей лигасының осы маусымында 23 матч өткізген «Барыс» қоржынында 25 ұпай бар. Ал «Амур» 22 ойыннан кейін 23 ұпай жинаған.
«Барыс» соңғы кездесуінде сырт алаңда Владивостоктың «Адмиралына» 4:5 есебімен есе жіберді. Ал «Амур» өз мұз айдынында Санкт-Петербургтің СКА командасынан 2:3 есебімен жеңілді.
Командалар соңғы рет 19 қазанда кездесіп, Хабаровск клубы 5:2 есебімен жеңіске жеткен еді. Соңғы бес ойында «Барыс» бір-ақ рет жеңіске жетті.
Біздің серіктес: Sport12kz