Қазақстан құрамасының Азия чемпионатындағы үздік ойыншылары анықталды

Оңтүстік Кореяда өткен 2027 жылғы Азия чемпионатының қорытындысы бойынша турнирдің үздік ойыншылары анықталды. Бұл туралы Қазақстан хоккей федерациясының баспасөз қызметіне сілтеме жасап Sport12.kz хабарлайды.

Қазақстан құрамасының шабуылшысы Максим Мұхаметов турнирдің үздік форварды атанды. Ол үш матчқа қатысып, екі шайба соғып, екі нәтижелі пас берді.

Ал Владислав Нурек Қазақстан құрамасының үздік ойыншысы, сондай-ақ Оңтүстік Кореяға қарсы матчтың үздік хоккейшісі деп танылды. Қақпашы үш кездесуде 54 соққыны қайтарып, 96,43 пайыздық көрсеткіш тіркеді. Оның сенімділік коэффициенті – 0,69.

Айта кетейік, Қазақстан құрамасы Халықаралық шайбалы хоккей федерациясының (IIHF) ұйымдастыруымен өткен Азия чемпионаттарының үшеуінде де жеңіске жетті. 2024 жылы Алматыда өткен алғашқы турнирде чемпион атанған отандастарымыз 2025 жылы Қытайдың Бейжің қаласында титулын қорғады. Ал биыл Чонджу қаласында үшінші рет қатарынан алтын медаль жеңіп алды.

Осылайша, Қазақстан ерлер арасындағы Азия чемпионаты тарихындағы жалғыз жеңімпаз команда болып отыр.

Біздің серіктес: Sport12kz