Жалғас Жумагулов титулдық жекпе-жекке дайын

Чехия-Словакия ММА ұйымдастырушысы Oktagon ресми сайты жеңіл салмақтағы титулдық жекпе-жекке қатысты күтулерін жариялады. Қазақстандық файтер Жалғас Жумагулов пен (18-9) чех спортшысы Давид Дворжак (22-6) арасындағы кездесудің 28 желтоқсанда Прагада өтетіні хабарланды. Бұл «Жако» үшін титулын алғаш қорғау жекпе-жегі болады.

Анонста атап өтілгендей, Дворжак соңғы он жылдағы бірінші титулдық жекпе-жегін өткізеді, сондықтан төртінші-бесінші раундқа дейін ойын қалай өрбитіні белгісіз. Сонымен қатар, Дворжак жеңістерінің басым көпшілігін нокаут немесе сабмишн арқылы алған: 22 жеңісінің тек 5-і төрешілер шешімімен. Оның есебінде 9 нокаут және 8 сабмишн бар.

Жумагулов өз кезегінде жеңістерінің жартысын төрешілер шешімімен алған. Оның есебінде 7 нокаут және тек 2 сабмишн бар. «Жако» тұрғыдағы шайқастарды ұнатады, жылдам, техникалық және тейкдауннан керемет қорғанады. Бено Адамиямен титулдық жеңісінде әр раундты бақылауда ұстаған және чемпионды біртіндеп жеңген.

Алайда, Дворжак стратегия шебері ретінде белгілі, ойын ортасында бейімделе алады және әрқашан жеңіске апаратын ең тиімді жолды табады, делінген анонста.

Біздің серіктес: Sport12kz