UFC Қазақстанда турнир өткізуді жоспарлап отыр

UFC президенті Дана Уайт ұйымның Қазақстанда турнир өткізу бойынша жұмыс жүргізіп жатқанын айтты. Бұл туралы Sport12.kz хабарлайды.

— Қазақстанда UFC турнирін қашан көреміз?

— Өте жақын арада. Біз бұл бағытта жұмыс істеп жатырмыз, — деді Дана Уайт.

Қазіргі таңда UFC ростерінде Қазақстан атынан бес спортшы өнер көрсетеді. Олар: Шавкат Рахмонов (19-0), Асу Алмабаев (24-3), Дияр Нұрғожай (12-2), Николай Веретенников (14-8) және Алиби Ыдырыс (10-1, 1 NC).

Айта кетейік, бұған дейін Орталық Азияда UFC турнирі өткізілген жоқ. Ұйымның негізгі турнирлері АҚШ-та, соның ішінде Лас-Вегаста өтеді. Ал шетелдегі тұрақты бағыттардың қатарында Канада, Бразилия, Ұлыбритания, Аустралия және Біріккен Араб Әмірліктері бар.

UFC-тің Қазақстандағы алғашқы турнирін 2020 жылдың 13 маусымында Астанада өткізу жоспарланған еді. Алайда коронавирус пандемиясына байланысты жарыс өтпей қалды.

Біздің серіктес: Sport12kz