Алекс Волкановски UFC-де рекорд орнатты

Австралиялық файтер Алекс Волкановски (28-4) UFC 333 турнирінде өнер көрсеткеннен кейін жеңіл салмақтағы чемпиондық жекпе-жектердегі жеңістер саны бойынша ұйымның жеке рекордшысы атанды,деп хабарлайды Sport12.kz.

Турнир Біріккен Араб Әмірліктерінің Әбу-Даби қаласында өтті.

Волкановски осы дивизионда чемпиондық белбеу үшін өткен жекпе-жектерде тоғызыншы жеңісіне қол жеткізді. Бұған дейін ол бұл көрсеткіш бойынша бразилиялық Жозе Алдомен бірінші орынды бөлісіп келген еді. Алдоның еншісінде осындай сегіз жеңіс бар. Енді австралиялық файтер UFC тарихындағы жеке рекордты иеленді.

Волкановскидің рекордтық жеңісі ресейлік Мовсар Евлоевпен жекпе-жекте тіркелді. UFC 333 турнирінің басты кездесуі екінші раундта техникалық нокаутпен аяқталды. Осылайша, австралиялық жеңіл салмақтағы чемпиондық атағын сақтап қалды.

Бұл жеңіс Волкановскидің кәсіби мансабындағы 29-жеңісі болды. Оның еншісінде төрт жеңіліс бар. Ал Мовсар Евлоев кәсіби ММА мансабында қатарынан 20 жеңіске жеткеннен кейін алғаш рет жеңіліске ұшырады.

Біздің серіктес: Sport12kz