1 сағат бұрын
«Моральдық тұрғыдан ауыр»: Асу Алмабаев жеңілісінен кейін мәлімдеме жасады
Қазақстандық UFC файтері Асу Алмабаев жапониялық Кёдзи Хоригутиден жеңілгеннен кейін әлеуметтік желіде мәлімдеме жасады.
21 қарашада Дохада өткен UFC Fight Night 294 турнирінде отандасымыз қарсыласына төрешілердің бірауыздан шығарған шешімімен есе жіберді. Бұл оның UFC-дегі екінші жеңілісі болды.
Жекпе-жектен кейін Алмабаев жеңілістің өзіне ауыр тигенін айтып, жанкүйерлеріне алғыс білдірді.
«Қаншама жекпе-жек өткізіп, қаншама ай бойы тынымсыз жаттығып, тер төгіп, чемпиондық атаққа бір қадам қалғанда кері шегіну… Кез келген спортшы үшін бұл моральдық тұрғыдан ауыр», – деп жазды файтер.
Сондай-ақ ол жеңілісіне сылтау іздемейтінін айтып, өзін сынаған отандастарына жауап берді. Алмабаев сын айтушыларды алдымен UFC-де өз мүмкіндіктерін дәлелдеуге шақырды.
Қазақстандық спортшы жанкүйерлерді ауызбіршілікке шақырып, жеңіліс кезінде де спортшыларға қолдау көрсету маңызды екенін жеткізді. Ол чемпиондық мақсатына жету жолындағы күресін жалғастыратынын мәлімдеді.
Біздің серіктес: Sport12kz