Қазақстан құрамасы оқ атудан екі алтын медаль иеленді

Шымкент қаласында оқ ату және стендтік атудан Гран-при кезеңі өтіп жатыр, деп хабарлайды Sport12.kz.

Жарыс аясында Қазақстан құрамасы нысана көздеуден төрт медаль жеңіп алды. Оның екеуі – алтын, біреуі – күміс, тағы біреуі – қола.

Ересектер арасында 10 метр қашықтықтан пневматикалық тапаншамен оқ атудан Кирилл Цуканов 244,4 ұпай жинап, алтын медаль иеленді.

Әйелдер арасындағы дәл осы бағдарламада Ирина Юнусметова 242,5 ұпаймен жеңіс тұғырының ең биік сатысына көтерілді.

Қыздар арасындағы жасөспірімдер бәсекесінде 10 метр қашықтықтан пневматикалық тапаншамен оқ атқан Алиса Краденова 232,1 ұпай жинап, күміс жүлдегер атанды.

Ал ұлдар арасында Руслан Ершов 213,9 ұпаймен үшінші орын алып, қола медаль жеңіп алды.

Біздің серіктес: Sport12kz