Қазақстан құрамасы кураштан әлем чемпионатында екінші орын алды

Астанада кураштан әлем чемпионаты мәресіне жетті. Қазақстан құрамасы байрақты бәсекеде 3 алтын, 6 күміс және 2 қола медаль жеңіп алып, жалпыкомандалық есепте екінші орынға тұрақтады.

Әлем біріншілігіне 60-тан астам елден 400-ге жуық балуан қатысып, чемпиондық атақтарды сарапқа салды. Бұл жарыс Астанада алғаш рет ұйымдастырылып, қатысушы мемлекеттер саны бойынша рекорд орнатты.

Қазақстан құрамасына алтын медальді Айбатыр Миразат (60 кг), Назерке Тілеуханова (87 кг) және Альбина Бахиева (+87 кг) салды.

Күміс жүлдегерлер:

• Асылжан Орынбасарова (70 кг);
• Әділет Ахметғали (81 кг);
• Ақбота Қыдырәлі (78 кг);
• Темірлан Сағындықов (73 кг);
• Зарина Сарипова (63 кг);
• Ғалымжан Қырықбай (+120 кг).

Ал Данил Федоров (100 кг) пен Бейбарыс Нұғманов (90 кг) әлем чемпионатының қола жүлдегері атанды.

Осылайша, Қазақстан құрамасы өз жанкүйерлері алдында өткен әлем біріншілігін 11 медальмен аяқтады. Оның үшеуі – алтын, алтауы – күміс және екеуі – қола.

Біздің серіктес: Sport12kz