Қазақстандық могулшы халықаралық жарыста алтын медаль жеңіп алды

Қазақстан құрамасының өкілі Анастасия Городко Австрияның Хинтертукс мұздығында өткен FIS Open халықаралық турнирінде фристайл-могулдан алтын медаль жеңіп алды, деп хабарлайды Sport12.kz.

Әйелдер арасындағы жарыста Городко 74,04 ұпай жинап, бірінші орынға ие болды. Жапония өкілі Мио Тани 71,41 ұпаймен күміс жүлдегер атанса, тағы бір жапониялық Марин Ито 70,66 ұпаймен үздік үштікті түйіндеді.

Қазақстан атынан Юлия Феклистова мен Юлия Мокина да өнер көрсетті. Феклистова 52,55 ұпаймен 13-орын алса, Мокина 25,63 ұпаймен 22-сатыға жайғасты.

Ерлер арасындағы жарыста қазақстандықтардан ең үздік нәтижені Павел Колмаков көрсетті. Ол 72,34 ұпаймен сегізінші орынға тұрақтады. Федор Бугаков оныншы (66,49), Максим Емельянов 11-орын (65,69), Семен Русаков 13-орын (62,60) алды.

Сондай-ақ Даниил Коротков 20-орынға, Ильнар Ибрагимов 21-орынға, Алексей Дегтярев 24-орынға, Дмитрий Пятаков 43-орынға тұрақтады.

Ерлер арасында жапониялық Такэто Нисидзава 79,63 ұпаймен жеңімпаз атанды. Оның отандасы Иккэй Фудзимура 78,54 ұпаймен екінші орын алса, Рёма Хаяси 75,56 ұпаймен қола жүлдеге ие болды.

Біздің серіктес: Sport12kz