6 сағат бұрын
Қазақстандық шабандоздар Астанадағы халықаралық турнирде екі алтын жеңіп алды
Астанада конкурдан Әлем кубогының Еуразиялық лигасы финалы аясындағы жарыстар жалғасып жатыр. 21 қарашада өткен екі бәсекеде де қазақстандық спортшылар жеңіске жетті.
140 сантиметрлік кедергілерден өту сайысында Раиса Соколенко URAN - NAD WIGRAMI атты атымен үздік нәтиже көрсетті. Екінші орынды қырғызстандық Ринат Галимов иеленсе, үздік үштікті өзбекстандық Бекзод Курбанов түйіндеді. Қазақстандық Аян Ғани төртінші, Нұрила Тұрысбекова бесінші орын алды.
Ал 130 сантиметрлік маршрутта Олег Соколенко SHENANIGAN атты сәйгүлігімен жеңімпаз атанды. Қырғызстандық Игорь Козубаев екінші, Ринат Галимов үшінші орынға тұрақтады. Бұл жарыста Нұрила Тұрысбекова төртінші, Ислам Исламов бесінші нәтиже көрсетті.
Осылайша, Раиса мен Олег Соколенко 21 қарашадағы екі жарыста Қазақстан қоржынына алтын медаль салды.
Айта кетейік, Астанадағы халықаралық турнир 22 қарашаға дейін жалғасады. Оның қорытындысы бойынша Әлем кубогының суперфиналына жолдама алатын шабандоздар анықталады.
Біздің серіктес: Sport12kz