Қазақстандық теннисші WTA 500 турнирінің алғашқы айналымында сүрінді

Қазақстанның жұптық сындағы үздік теннисшісі Анна Данилина Қытайдың Нинбо қаласында өтіп жатқан WTA 500 санатындағы турнирдегі өнерін аяқтады.

Қазақстандық спортшы жарысқа қытайлық Синью Яньмен бірге қатысып, жұптық сында төртінші нөмірмен тіркелген еді.

Алғашқы айналымда олар америкалық Дезире Кравчик пен венгриялық Фанни Столлармен кездесті. 1 сағат 22 минутқа созылған матчта Данилина мен Янь 3:6, 4:6 есебімен жеңіліп қалды.

Кездесу барысында қазақстандық-қытайлық жұп эйс жасай алмады және екі рет қос қателік жіберді.

Осылайша, Анна Данилина мен Синью Янь Нинбодағы турнирдің алғашқы айналымында жарыстан шығып қалды.

Біздің серіктес: Sport12kz