Рыбакина Өзбекстан теннисшісіне қарсы алғашқы матчын өткізеді

Қазақстанның үздік теннисшісі Елена Рыбакина Қытайдың Нинбо қаласында өтіп жатқан турнирдегі алғашқы кездесуін өткізеді. Бұл туралы Sport12.kz хабарлайды.

Қазақстандық спортшының алғашқы қарсыласы — WTA рейтингінде 105-орында тұрған Өзбекстан өкілі Полина Кудерметова. Кездесу бүгін сағат 16:00-де басталады.

Бұған дейін өзбекстандық теннисші бірінші айналымда Испания өкілі Кристина Букшаны (WTA рейтингінде 38-орын) екі сетте жеңді. Матч 7:6, 6:2 есебімен аяқталды.

Нинбодағы турнир 19-25 қазан аралығында өтеді. Жарыстың жалпы жүлде қоры — 1 206 446 доллар. Әйелдер арасындағы жекелей сында жеңімпаз 185 500 доллар мен рейтингтік 500 ұпайға ие болады.

Айта кетейік, Елена Рыбакина — турнирдің қазіргі чемпионы.

Біздің серіктес: Sport12kz