Соболенко WTA қорытынды турнирінің рекордын қайталады

Әлемнің екінші ракеткасы, Беларусь теннисшісі Арина Соболенко WTA қорытынды турниріндегі жеңісінен кейін жарыстың рекордын қайталады. Ол турнир чемпионы атанбаған теннисшілер арасында жеңіс саны бойынша көш бастады, деп хабарлайды Sport12.kz.

1972 жылдан бері өткізіліп келе жатқан жарыста Соболенко 13 жеңіске жеткен. Осы көрсеткіш бойынша ол Франция теннисінің аңызы Мари Пирспен теңесті. Ал бұл тізімде үшінші орында 12 жеңісі бар британдық Вирджиния Уэйд тұр.

Айта кетейік, Соболенко WTA қорытынды турнирінің финалына екі рет шыққан. Ол 2022 және 2025 жылдары шешуші кезеңге дейін жеткенімен, чемпион атана алмады.

Белоруссиялық теннисші биылғы жарысты чехиялық Каролина Мухованы жеңуден бастады. Алғашқы кездесу 7:6 (7:2), 7:5 есебімен аяқталып, бір сағат 53 минутқа созылды.

Мари Пирс мансабында 1995 жылы Australian Open, ал 2000 жылы «Ролан Гаррос» турнирінде жеңіске жеткен. Ол әлемдік рейтингте үшінші орынға дейін көтеріліп, 2019 жылы Халықаралық теннис даңқ залына енгізілді.

Біздің серіктес: Sport12kz