Елена Рыбакина Дубайдағы турнирдің үшінші айналымына шықты

Қазақстандық теннисші Елена Рыбакина Біріккен Араб Әмірлігінде өтіп жатқан WTA 1000 турнирінің 1/8 финалына жолдама алды.

Жарыстың 1/16 финалында Елена Рыбакина (WTA: 7 орын) жапониялық Моюка Учижиманы (WTA: 62 орын) тізе бүктірді.

Кездесу 1 сағат 6 минутқа созылды. Нәтижесінде отандасымыз 2:0 (6:3; 6:2) есебімен сенімді түрде жеңіске жетті.

Енді Рыбакина келесі кезеңде әлемнің оныншы ракеткасы испаниялық Паула Бадоса Хибертпен ширек финал жолдамасын сарапқа салады. Аталған ойын ертең, 19 ақпан сағат 11:00 жоспарланған.

Айта кетейік, байрақты бәсекенің жалпы жүлде қоры 3 654 963 долларды құрайды.

Біздің серіктес: Olimpbet қосымшасын пайдалан