Қысқы Азия ойындарының жүлдегерлері қанша сыйақы алады?

Қазақстан 2025 жылы Қытайдың Харбин қаласында өткен Азия ойындарында 20 медаль жеңіп алды: төрт алтын, тоғыз күміс және жеті қола.

Жарыс жеңімпаздары мен жүлдегерлері келесі сыйақыларға ие болады: «алтын» үшін – 10 000 доллар, «күміс» үшін – 5 000 доллар, «қола» үшін – 3 000 доллар. Сондай-ақ спортшылардың жаттықтырушылары да марапатталады.

Еске сала кетейік, Қазақстанға алтын медальді фристайлшылар Роман Иванов пен Шерзод Хаширбаев (синхронды секіру), биатлоншы Владислав Киреев, ерлер шорт-трек командасы және ерлер хоккей құрамасы алып келді.

Күміс жүлдегерлер қатарында конькимен жүгіруші Евгений Кошкин, шаңғышы Константин Борцов, әйелдер шаңғы жарысы командасы, аралас фристайл-акробатика командасы, әйелдер және аралас шорт-трек құрамалары, әйелдер хоккей құрамасы, биатлоншы Вадим Куралес және ерлер биатлон командасы бар.

Азия ойындарының қола жүлдесін конькимен жүгіруден әйелдер командасы, мәнерлеп сырғанаушы Михаил Шайдоров, шаңғышы Олжас Климин, ерлер шаңғы жарысы командасы, фристайлшы Аяна Жолдас, әйелдер фристайл-акробатика командасы және әйелдер биатлон командасы жеңіп алды.