Қазақстан құрамасы жастар арасындағы әлем чемпионатын бес медальмен аяқтады

Қазақстан құрамасы АҚШ-тың Лас-Вегас қаласында өткен 23 жасқа дейінгі балуандар арасындағы грек-рим күресінен әлем чемпионатын бес медальмен аяқтады, деп хабарлайды Sport12.kz.

Қазақстандық балуандар екі алтын, бір күміс және екі қола медаль жеңіп алды.

Айбек Айтбеков (60 келіге дейін) пен Юсуф Ашрапов (72 келіге дейін) әлем чемпионы атанды. Темірлан Тұрдақын (87 келіге дейін) күміс жүлдегер болса, Арсен Жұма (55 келіге дейін) мен Жохар Узaров (130 келіге дейін) қола медаль иеленді.

Жарыс қорытындысы бойынша Қазақстан құрамасы 114 ұпай жинап, командалық есепте екінші орынға тұрақтады. Бірінші орынды 119 ұпаймен Иран құрамасы иеленсе, 105 ұпай жинаған Ресей құрамасы үздік үштікті түйіндеді.

Біздің серіктес: Sport12kz