6 күн бұрын
Астанада «Болашақ ойындары – 2026» қарсаңында Олимпиада жәдігерлерінің көрмесі ашылады
Фото:ҰОК
Астанада 2026 жылдың 29 шілдесінде «Болашақ ойындары – 2026» халықаралық мультиспорттық турнирі басталады.
Сол күні Қазақстан Республикасының Ұлттық музейінде «Афинадан Астанаға дейін: Владимир Потанин коллекциясындағы Олимпиада жәдігерлері» атты көрме ашылады.
Көрме алғашқы Олимпиада ойындарының 130 жылдығына орай ұйымдастырылып, фиджитал спорт турнирінің мәдени бағдарламасына енеді.
Экспозицияда Владимир Потанин коллекциясынан алынған 141 түпнұсқа жәдігер ұсынылады. Олардың қатарында Олимпиада медальдары, алаулар мен дипломдар бар. Сонымен бірге Қазақстан музей қорларындағы танымал спортшылардың жеке бұйымдары да көрсетіледі.
Көрменің бір бөлігі қазақстандық Олимпиада чемпиондарының жетістіктеріне арналған. Онда спортшылардың өмірі мен жеңістерін бейнелейтін фотосуреттер мен жәдігерлер ұсынылады.
Цифрлық бөлімде тарихи құжаттар интерактивті форматта көрсетіліп, заманауи технологиялардың көмегімен бейнелерге жан бітірмек.
Біздің серіктес: Olimpbet қосымшасын пайдалан
