Юлия Путинцева Нинбодағы турнирдің іріктеу кезеңінен өтті

Қазақстандық теннисші Юлия Путинцева Қытайдың Нинбо қаласында өтіп жатқан WTA 500 санатындағы турнирдің іріктеу кезеңінен сәтті өтті, деп хабарлайды Sport12.kz.

WTA рейтингінде 79-орында тұрған қазақстандық теннисші іріктеудің финалдық кезеңінде америкалық Алисия Паркспен (әлемдік рейтингте 64-орын) кездесті. Іріктеуде оныншы нөмірмен тіркелген Путинцева алтыншы нөмірлі қарсыласын екі сетте де 6:2 есебімен жеңді.

Кездесу 1 сағат 17 минутқа созылды. Осылайша, Путинцева қатарынан екі матчта жеңіске жетіп, негізгі кезеңге жолдама алды.

Еске салайық, іріктеудің алғашқы кездесуінде қазақстандық теннисші Қытай өкілі Цюй Иханды 6:1, 7:6 есебімен ұтқан еді.

Нинбодағы WTA 500 турнирінің негізгі кезеңі 19-25 қазан аралығында өтеді. Жарысқа әлемнің бірінші ракеткасы, қазақстандық Елена Рыбакина да қатысады.

Біздің серіктес: Sport12kz