Қазақстан құрамасы жасөспірімдер Олимпиадасына 18 спортшымен қатысады

Қазақстан атынан IV жазғы жасөспірімдер Олимпиада ойындарында 11 спорт түрінен 18 спортшы өнер көрсетеді. Байрақты бәсеке 31 қазан мен 13 қараша аралығында Сенегал астанасы Дакар қаласында өтеді.

Ұлттық құрама сапына енген спортшылар келесі спорт түрлерінен бақ сынайды:

• Таеквондо: Любовь Юн;
• Триатлон: Рамазан Айнегов;
• Жеңіл атлетика: Маргарита Косинова (400 метрге кедергілер арқылы жүгіру), Максим Сажнев (диск лақтыру);
• Спорттық гимнастика: Ева Тациева, Андрей Терман;
• Бокс: Ақнұр Тұрсынғали, Марал Төлепберген, Бибарыс Аширбай;
• Шосседегі велоспорт: Әнел Ташбай, Глеб Новиков;
• Дзюдо: Фатима Супығалиева;
• Жағажай волейболы: Оразәлі Сағыныш, Әлихан Ағабек;
• Жүзу: Анатолий Руденко, Дарья Чеснокова;
• Семсерлесу (сабля): Айбар Қайым;
• Брейкинг: Айзара Жұмабекова.

Дакар қаласы жасөспірімдер Олимпиадасын алғаш рет қабылдайды. Бұл Африка құрлығында өтетін алғашқы Олимпиада ойындары. Ұйымдастырушылардың мәліметінше, жарысқа шамамен 2700 спортшы қатысып, спорттың 25 түрінен медальдарды сарапқа салады.

Біздің серіктес: Sport12kz