Астанада паралимпиадалық мәнерлеп жүруден ел чемпионаты өтеді

11 қарашада Астанада паралимпиадалық мәнерлеп жүруден Қазақстан чемпионаты ұйымдастырылады. Жарыс елордадағы «Арғымақ» ат спорты кешенінде өтеді.

Байрақты бәсекеге Астана мен Алматы қалаларынан, сондай-ақ Қарағанды, Маңғыстау, Ақтөбе, Шығыс Қазақстан және Атырау облыстарынан келген спортшылар қатысады.

Тірек-қимыл аппараты зақымданған шабандоздар мүмкіндіктеріне қарай бес функционалдық санатқа бөлініп, чемпиондық атақты сарапқа салады.

Жарыс бағдарламасы:

10:00 – ашылу салтанаты;

10:30–12:00 – Пара Гран-при (В тесті);

12:30–13:30 – Пара Новис (А тесті);

14:00–15:30 – мәнерлеп жүру (А және В тесттері);

16:00–16:30 – Пара Гран-при фристайл;

17:00 – марапаттау рәсімі.

Біздің серіктес: Sport12kz