Қазақстандық жеңіл атлеттер әлем чемпионатын екі рекордпен аяқтады

АҚШ-тың Орегон штатындағы Юджин қаласында 20 жасқа дейінгі спортшылар арасындағы жеңіл атлетикадан әлем чемпионаты аяқталды.

Қазақстан құрамасы әлемдік додада екі ұлттық рекорд жаңартып, екі рет финалға шықты.

Сырықпен секіруден сынға түскен Анна Черкашина іріктеу кезеңінде 4,10 метр биіктікті бағындырды. Бұл нәтиже Қазақстанның U20 санатындағы жаңа рекорды атанды. Финалда да осы нәтижесін қайталаған спортшы қорытынды есепте 11-орын алды.

Ал диск лақтырудан өнер көрсеткен Максим Сажнев іріктеу кезеңінде 61,37 метр нәтижемен Қазақстанның U20 рекордын жаңартты. Финалда ол 59,85 метр көрсетіп, жарысты 11-орынмен аяқтады.

Қазақстандық спортшылардың басқа нәтижелері:

• Шерхан Егизбай — 5000 метр спорттық жүріс, 38-орын;
• Егор Струков — 5000 метр спорттық жүріс, 36-орын;
• Глеб Гладилов — үш қарғып секіру, 31-орын;
• Кирилл Савченко — 400 метр кедергілермен жүгіру, 54-орын;
• Богдан Гончаров — 110 метр кедергілермен жүгіру, 37-орын;
• Маргарита Стороженко — 5000 метр спорттық жүріс, 25-орын;
• Антонина Чернышева — 100 метр кедергілермен жүгіру, 58-орын;
• Алина Головина — 100 метр кедергілермен жүгіру, 45-орын;
• Софья Киденко — 400 метр, 51-орын.

Біздің серіктес: Sport12kz