13.03.2023
Қазақстандық гимнаст Гран-при жарысында қола медаль жеңіп алды
![Қазақстандық гимнаст Гран-при жарысында қола медаль жеңіп алды](https://sport12.kz/static/images/news/5532bae3abd7a4c563e66717a03c98cf.jpg?0e905a8c09378b414a0ad5e15dd8d274)
Елжана Таниева
Қазақстандық спортшы Елжана Таниева Испанияның Марбелье қаласында өткен көркем гимнастикадан Гран-при жарысында үздік үштікке енді, деп хабарлайды Zakon.kz.
Елжана Таниева доппен орындалатын жаттығулардың финалында 32,900 ұпайы жинап, үшінші орынға ие болды. Алғашқы орындарды Болгарияның екі өкілі: Стиляна Николова (35,700) және Ева Брезалиева (33,600) өзара бөлісті.
Осы Гран-придің басқа түрлері бойынша Елжана Таниева ең мықты 8 гимнасттың қатарына енді.
Естеріңізде болса, 26 ақпанда Таниева Эстонияда өткен Гран-при турнирінің күміс жүлдегері атанған еді.
![](https://sport12.kz/static/images/banners/84941767ae2492f344cc0a89bcdfbb5a.jpg?8f8f7f23bde34b3694225517aa65eeaf)