5 сағат бұрын
Криштиану Роналду Португалия құрамасы сапында қоштасу матчын өткізуі мүмкін
Фото: www.championat.com
Сауд Арабиясының «Аль-Наср» құрамасының шабуылшысы Криштиану Роналду Португалия құрамасы сапында қоштасу матчын өткізуі мүмкін, деп хабарлайды Sport12.kz.
«Аль-Насрдың» шабуылшысы және капитаны осы айдың басында ұлттық құрамадағы мансабын аяқтайтынын жариялаған болатын.
Алайда derbyderbyderby.it беделді америкалық The Athletic интернет-басылымына сілтеме жасап, Криштиану Роналду қоштасу матчында Португалия құрамасының жейдесін тағы бір рет киюі мүмкін екенін хабарлады.
Портал сонымен қатар Мадридтің «Реалының» бұрынғы жұлдызы мен Португалия құрамасының қазіргі бас бапкері арасында қалыптасқан жағдайдың кейбір жай-жапсарын ашты.Олардың арасындағы шиеленісті қарым-қатынасқа қарамастан, Роналдудың өз ұлттық командасы үшін қоштасу матчына қатысу ықтималдығы сақталып отыр.
Криштиану Роналду ұлттық құрама сапындағы алғашқы матчын 2003 жылы өткізді. Ол Португалиямен бірге 2016 жылы Еуропа чемпионатын, ал 2019 жылы УЕФА Ұлттар лигасын жеңіп алды.
Роналду бес мәрте «Алтын доп» иегері атанған. Ол бұл марапатты 2008, 2013, 2014, 2016 және 2017 жылдары иеленді. Клубтық мансабында «Спортинг», «Манчестер Юнайтед», «Реал Мадрид» және «Ювентус» сапында ойнады.
Біздің серіктес: Sport12kz