“Қытайдағы әлем кубогінде ел намысын қорғаймын” — Абылайхан Жүсіпов

Боксшы Абылайхан Жүсіпов Дубайда өткен әлем чемпионатында жеңіске жеткеннен кейін біраз уақыт шаршы алаңға шықпады. Осыдан соң біз Абылайхан Жүсіповке хабарласып, алдағы жоспарлары туралы сұрап білдік.

“Біраз уақыттан бері жарыстарға қатысқан жоқпын. Қазір ұлттық құрама сапында Қытайда өтетін әлем кубогіне дайындалып жатырмын. Алдағы жарыста 70 келі салмақта ел намысын қорғаймын. Әзірге нақты жоспар жоқ, қалғанын уақыт көрсетеді. Жалпы, 70 келіден басқа салмаққа ауысу ойымда жоқ”, — деді Абылайхан Жүсіпов.

Айта кетейік, Абылайхан Жүсіпов 2025 жылдың желтоқсан айында Дубайда IBA ұйымы өткізген әлем чемпионатында жеңіске жетіп, алтын медаль иеленді. Осылайша ол мансабында алғаш рет әлем чемпионы атанды. Бұдан өзге ол 2024 жылғы Азия чемпионы, екі дүркін Азия чемпионатының күміс жүлдегері.

Авторы:Ақерке Өмірхан

Біздің серіктес: Olimpbet қосымшасын пайдалан