Қазақстандық жеті боксшысы әлем чемпионатының ширек финалына шықты

Черногорияның Будва қаласында өтіп жатқан жастар арасындағы әлем чемпионатында Қазақстан құрамасының жеті боксшысы келесі кезеңге жолдама алды.

19 жасқа дейінгі спортшылар қатысып жатқан жарыстың 1/8 финалында қазақстандықтар сәтті өнер көрсетті. Енді олар жартылай финал жолдамасын сарапқа салады.

Қазақстан атынан Әділ Асқанбай (50 келі), Айдос Үсенов (55 келі), Данияр Ақбисенов (60 келі), Ақжүрек Қалабай (65 келі), Бибарыс Әшірбай (70 келі), Еркетаң Жарқынбек (90 келі) және Владислав Саможонов (+90 келі) жүлделі орындар үшін күресті жалғастырады.

World Boxing ұйымының қолдауымен ұйымдастырылған әлем чемпионаты 27 қазанда мәресіне жетеді.

Біздің серіктес: Sport12kz