Фарух Тоқтасынов бокстан Қазақстан чемпионы атанды

Алматылық боксшы 70 келіге дейінгі салмақ дәрежесінде 2026 жылғы Қазақстан чемпионатының алтын медалін жеңіп алды, деп хабарлайды Sport12.kz.

Тараз қаласында өтіп жатқан ел біріншілігінің финалында Фарух Тоқтасынов Жамбыл облысының өкілі Елнұр Сүйінбаймен қолғап түйістірді. Жекпе-жек барысында алматылық боксшы басымдық танытып, төрешілердің бірауыздан қабылдаған шешімімен 5:0 есебімен жеңіске жетті.

Осылайша, Фарух Тоқтасынов Қазақстан чемпионы атанып, жарыстың алтын медалін иеленді. Ал финалда жеңілген Елнұр Сүйінбай күміс жүлдегер атанды.

Айта кетейік, бокстан Қазақстан чемпионаты Тараз қаласында өтіп жатыр. Еліміздің әр өңірінен жиналған былғары қолғап шеберлері ұлттық біріншілікте чемпиондық атақ пен жүлделі орындарды сарапқа салуда.

Біздің серіктес: Sport12kz