Жәнібек Әлімханұлы «Канелоны» жекпе-жекке шақырды

Қазақстандық боксшы Жәнібек Әлімханұлы мексикалық Сауль «Канело» Альваресті жекпе-жекке шақырды. Алайда қарсыласының бұл ұсынысты қабылдайтынына сенбейді.

«Канело да, оның командасы да мені жақсы біледі. Бірақ олар әлемдегі ең үздік боксшымен жұдырықтасуға келісе қояды деп ойламаймын. Егер келіссе, бұл жекпе-жекті бүкіл әлем тамашалайды», – деді отандасымыз.

Айта кетейік, Жәнібек Әлімханұлы екінші орта салмақтағы WBO белбеуін иеленсе, Альвареспен супер жекпе-жек өткізуге мүмкіндік туады деп үміттенеді. Айта кетейік, «Канело» жуырда Кристиан Мбиллиді жеңіп, WBC чемпионы атанды.

Қазір Жәнібек бос тұрған WBO титулы үшін даниялық Якоб Банкпен өтетін айқасқа дайындалып жатыр. Бұған дейін бұл белбеуге таласуы тиіс болған Хамза Шираз кездесуден бас тартқан.

Банкпен жекпе-жек Әлімханұлы үшін шамамен бір жарым жылдық үзілістен кейінгі алғашқы айқас болмақ. Бұған дейін ол Эрисланди Ларамен кездесер алдында допинг дауына байланысты уақытша шеттетілген еді.

Біздің серіктес: Sport12kz