4 күн бұрын
Бокстан жастар арасындағы Қазақстан чемпионатына 346 спортшы қатысады
Астанада 2009-2010 жылы туған жастар арасында бокстан Қазақстан чемпионаты басталды. 16-22 қараша аралығында өтетін жарыста 346 боксшы он салмақ дәрежесі бойынша ел үздіктерін анықтайды.
Біріншілікке Астана, Алматы, Шымкент қалалары мен 17 облыстың өкілдері қатысады. Қатысушылар саны бойынша Алматы қаласы көш бастап тұр. Бұл өңірден 35 боксшы келген. Астанадан 31, Жамбыл облысынан 28 спортшы сынға түседі.
Ең жоғары бәсеке 60 келіде күтіледі. Бұл салмақта 55 боксшы тіркелген.
Чемпионатта Азия ойындарының жеңімпаздары Жұмағали Нұрмахан (55 келі), Досжан Жұмақан (65 келі) және Даниял Шалқарбай (70 келі) да бақ сынайды. Сонымен қатар құрлықтық жарыстың күміс жүлдегерлері Арман Мырсабит (50 келі), Мұхамедәлі Рүстембек (80 келі) пен қола жүлдегер Санжар Матасов (75 келі) шаршы алаңға шығады.
Біздің серіктес: Sport12kz