Ұлттар лигасы: Молдова - Қазақстан кездесуінің негізгі құрамы анықталды

Футболдан Қазақстан ұлттық құрамасы UEFA Ұлттар лигасы бесінші турындағы Молдовамен кездесуге құрамын жариялады, деп хабарлайды Sport12.kz.

Бұл кездесу 13 қарашада Қазақстан уақытымен 22:00-де басталып, «Qazsport» телеарнасынан тікелей эфирде көрсетіледі.

Молдова: Челядник, Ревенко, Бабогло, Йову, Герасименков, Рябчук, Фратя, Рацэ, Перчун, Клещенко, Попеску;

Қазақстан: Покатилов, Алип, Ерланов, Касым, Жагоров, Караман, Амир, Оразов, Чесноков, Самородов, Мрынский.

Ойын барысында италиялық Андреа Коломбо бас төреші болса, оған отандастары Даниеле Биндони мен Джованни Баччини көмектеседі. Бас төрешінің бейнеқайталау төрешісі Алеандро ди Паоло болса, оның көмекшісі міндеті Федерико ла Пеннаға жүктелген. Төртінші төреші де сол елдің өкілі - Кевин Боначина.

Айта кетсек, қазірге дейін ел құрамасы төрт ойын өткізіп үлгерді. Отандастарымыз Фарер аралдарымен (1:1, 2:2) екі мәрте тең түссе, одан кейін Словакия (1:2) мен Молдова (1:2) құрамасына есе жіберді.

Ал Молдова құрамасы Словакиядан екі мәрте (0:2, 0:4) жеңілсе, Фарер аралдарымен (1:1) тең түсіп, Қазақстанды (2:0) жеңді.

Еске салсақ, футболдан Қазақстан ұлттық құрамасы UEFA Ұлттар лигасы бесінші турындағы Молдовамен кездесуге көк жейдемен шығатын болды.

Біздің серіктес: Sport12kz